केज दि.३० – एका २६ वर्षीय तरुणाने लिंबाच्या झाडास गळफास घेऊन आत्महत्या केल्याची घटना केज तालुक्यातील नामेवाडी येथे बुधवारी दुपारी उघडकीस आली. सदाशिव गोविंद वायबसे असे आत्महत्या केलेल्या तरुणाचे नाव असून त्याने आत्महत्या का केली ? याचे कारण स्पष्ट झाले नव्हते.
नामेवाडी येथील सदाशिव गोविंद वायबसे ( वय २६ ) याने बुधवारी दुपारी २ वाजेच्या सुमारास कोरडेवाडी येथील तलाव परिसरातील लिंबाच्या झाडाला गळफास घेऊन आत्महत्या केली. या घटनेची माहिती मिळताच जमादार उमेश आघाव, पोलीस नाईक धन्यपाल लोखंडे यांनी घटनास्थळी भेट देऊन मृतदेह उत्तरीय तपासणीसाठी पाठविला. विडा येथील प्राथमिक आरोग्य केंद्रात डॉ. शिला कांबळे यांनी शवविच्छेदन केले. सदाशिव वायबसे याने आत्महत्या का केली ? याचे कारण स्पष्ट झाले नसून तो अविवाहित आहे. त्याच्या पश्चात आई, वडील, दोन मोठे भाऊ आहेत. याप्रकरणी केज पोलिसात अकस्मात मृत्यूची नोंद करण्यात आली आहे.
