केज दि.२१ – शहरातील कानडी रोड, समर्थ नगर, कळंब रोड आणि अन्य एका भागात चोरट्यांनी धुडगूस घातल्याची घटना घडल्याने नागरिकांसह व्यापाऱ्यात भीतीचे वातावरण पसरले आहे.
शुक्रवार रात्री ते शनिवारी (दि.२१) पहाटेच्या दरम्यान चोरट्यांनी कानडी रोडवरील सरजू मेडिकल दुकानाचे शटर उचकटून चोरीचा प्रयत्न केला. मात्र दुकानात जास्त प्रमाणात रोकड न मिळाल्याने मोठे नुकसान टळले. परंतु सरजू मेडिकल दुकान फोडताना दुकाना समोर असलेल्या सिसिटीव्ही कॅमेऱ्यावर काळ्या रंगाचा स्प्रे मारून शटर उचकटल्याने चोरटे सिसिटीव्ही असलेल्या ठिकाणीही कसे चलाखी करतात हे दिसून आले.तर त्याच दुकानाच्या मागील बाजूस असलेल्या समर्थनगर मधील दुसऱ्या गल्लीत राहणाऱ्या विडेकर यांच्या घरी कुणी नसल्याची संधी साधून गेट चे कुलूप तोडून घरात प्रवेश केला. तसेच पत्की यांचे सिमेंट दुकान व अन्य एका ठिकाणी चोरट्यांनी चोरीचे प्रयत्न केले.
दरम्यान एकाच रात्रीत तीन ते चार ठिकाणी चोरीच्या घटना घडल्याने व्यापारी व नागरिकांमध्ये भीतीचे वातावरण पसरले असून पोलिसांची गस्त वाढवण्याची मागणी होत आहे.
