बीड दि. 4 – येथील जिल्हा नियोजन समितीची पुनर्रचना करण्यात आली असून काँग्रेसचे जिल्हाध्यक्ष राजेसाहेब देशमुख आणि उपाध्यक्ष राहुल सोनवणे यांची जिल्हा नियोजन समितीवर नियुक्ती करण्यात आली आहे. याबद्दल दोघांचेही अभिनंदन करण्यात येत आहे..
बीड जिल्हा नियोजन समितीची पालकमंत्र्यांच्या निर्देशाने पुनर्रचना करण्यात आली आहे. नियोजन समितीमधील विशेष निमंत्रित सदस्य म्हणून काँग्रेसचे जिल्हाध्यक्ष राजेसाहेब देशमुख आणि उपाध्यक्ष राहुल सोनवणे यांना संधी देण्यात आली आहे. या दोघांचा समावेश सुनील वाघाळकर आणि महादेव धांडे यांच्या जागेवर करण्यात आली आहे. राजेसाहेब देशमुख आणि राहुल सोनवणे दोघानांही राजकारण, समाजकारणाचा अनुभव आहे. तर राजेसाहेब देशमुख यांनी जिल्हा परिषदेत सभापती असताना नियोजन समितीचे पदसिद्ध सदस्य म्हणून काम केलेले आहे. या दोघांनाही जिल्हा नियोजन समितीत स्थान मिळाल्याने काँग्रेसमधून आनंद व्यक्त होत आहे.
त्यांच्या या निवडीबद्दल खासदार रजनी ताई पाटील, माजीमंत्री अशोकराव पाटील,युवानेते आदित्य पाटील यांच्यासह पीडीएस शैक्षणिक संकुलाच्या वतीने अभिनंदन करण्यात आले असून पुढील कार्यास शुभेच्छा दिल्या आहेत…
