भारती यांनी स्वतः रुग्णाची चिट्ठी हातात घेऊन रांगेत औषधे घेण्यासाठी जिल्हा रुग्णालयात गेल्यावर हा प्रकार समोर आला. केंद्रीय आरोग्य राज्य मंत्री भारती पवार यांनी रुग्णालय प्रशासन आणि कर्मचाऱ्यांना चांगलंच झापलं.अनेक औषधे उपलब्ध नसल्याच्या नागरिकांनी केंद्रीय आरोग्यमंत्री पवार यांच्याकडे तक्रारी केल्या. उस्मानाबाद हा आकांक्षित जिल्हा असून या जिल्ह्यात विविध कामांचा आढावा घेण्यासाठी मंत्री पवार उस्मानाबाद येथे आल्या होत्या. पंतप्रधान नरेंद्र मोदी यांनी आकांक्षित जिल्ह्याचा खास आढावा व लक्ष देण्याची जबाबदारी मंत्री पवार यांच्यावर दिली आहे. पवार यांनी जागतिक एड्स दिनानिमित्त रॅलीस हिरवा झेंडा दाखवला त्यानंतर मेडिकल कॉलेज व हॉस्पिटलची पाहणी केली.
