केज दि.२९ – तालुक्यातील सारणी (आ) येथील ग्रामपंचायत उपसरपंच पदाच्या निवडीसाठी घेण्यात आलेल्या बैठकीत रविकांत पुरुषोत्तम सोनवणे यांची निवड झाली.
तालुक्यातील सारणी (आ) ग्रामपंचायत उपसरपंच पदाच्या निवडीसाठी निरीक्षक एम.के.कराड व ग्रामसेवक चंद्रकांत वटाणे यांच्या मार्गदर्शनाखाली गुरुवारी सकाळी निवडणूक प्रक्रिया राबविण्यात आली.यामध्ये रविकांत सोनवणे यांची निवड झाली. यावेळी सरपंच व सर्व ग्रामपंचायत सदस्य उपस्थित होते.
दरम्यान, रविकांत सोनवणे यांची उपसरपंच पदी निवड झाल्याबद्दल बीड जिल्हा काँग्रेसचे उपाध्यक्ष राहुल सोनवणे, सरपंच प्रविना संतोष सोनवणे, संतोष सोनवणे, भुजंग सोनवणे, कमलाकर सोनवणे, नरसिंग सोनवणे, बाप्पासहेब सोनवणे, बब्रुवान सोनवणे, लक्ष्मण सोनवणे, यांच्यासह सर्व सदस्यांनी रविकांत सोनवणे यांचे अभिनंदन केले आहे.
