केज दि.२७ – (सचिन उजगरे) : तालुक्यातील युसूफवडगांव येथे रामनवमी निमित्त स्व.मेजर शिवराज खरबड यांच्या स्मरणार्थ भव्य रक्तदान शिबिर आयोजित केले आहे.
गावचे ग्रामदैवत असलेले प्रभु श्रीरामचंद्र यांच्या रामजन्मोत्सवाच्या निमित्ताने गेल्या 10 वर्षापासुन गावामध्ये दरवर्षी आधार युवा मंचच्या वतीने रक्तदान शिबिर आयोजित करण्यात येत आहे. यंदाचे हे 11वे वर्षे आहे.गेल्या दोन वर्षापूर्वी मेजर शिवराज खरबड यांचे कोरोना काळात ऐन रामनवमीच्या दरम्यान निधन झाले होते.त्यामुळे गत वर्षापासुन आधार युवा मंचच्या वतीने श्रीराम नवमी व स्व.मेजर शिवराज खरबड यांच्या स्मरणार्थ रामनवमीच्या एक दिवस अगोदर गावामध्ये रक्तदान शिबिर घेतल्या जाते. या वर्षीही 29 मार्च रोजी रक्तदान शिबिर आयोजित करण्यात आले आहे. तरी जास्तीत जास्त रक्तदात्यांनी आपली नावे आधार युवा मंचकडे नोंदवावीत व रक्तदान शिबीरामध्ये भाग घेऊन तरूणांनी समाजसेवेचे कर्तव्य पार पाडावे असे आवाहन आधार युवा मंचच्या वतीने करण्यात आले आहे.
