केज दि.१९ – मागच्या पंधरा दिवसापासून केज तालुक्यामध्ये अपघाताची मालिका सुरूच आहे. केज कळंब रोडवर एकाचा मृत्यू झाला होता. तर केज आंबेजोगाई रोडवरही एक दोघांना आपली जिव गमवावे लागले होते. आणि आज पुन्हा केज कळंब रोडवर दोन चार चाकी समोरासमोर धडकल्या त्यामध्ये तिघे जखमी झाले. आणि आजच रात्री नऊच्या सुमारास केज बीड रोडवरील सांगवी पाटीवर ट्रॅव्हल्स आणि दुचाकीचा एक मोठा अपघात झाला असून यामध्ये दोघेजण जागीच मृत्यू पावल्याची प्राथमिक माहिती मिळालेली आहे. अंबाजोगाई येथील एका न्यू व्हिजन पब्लिक स्कुल च्या सहलीची ट्रॅव्हल्स केज बीड रोडवरील सांगवी पाटी जवळ आली असता दुचाकी आणि ट्रॅव्हल्स अपघात झाला. यामध्ये दोघेजण जागीच ठार झाल्याची माहिती समोर आली आहे. मात्र हे इसम कोण होते, दुचाकी कुठली होती? याचा शोध पोलीस घेत आहेत. मात्र मागच्या पंधरा दिवसापासून केज तालुक्यामध्ये अपघातात अनेकांना आपला जीव गमावा लागला आहे.
