बीड दि. 13 – जिल्हाधिकारी दीपा मुधोळ यांनी मोठा निर्णय घेतला असून बीड (Beed) जिल्ह्यात पुढील पंधरा दिवस आंदोलनबंदी करण्यात आली आहे. याबाबतची माहिती अप्पर जिल्हा दंडाधिकारी संतोष राऊत यांनी माध्यमांना दिली. Prohibitory orders issued in the district; Collector Deepa Mudhol’s big decision.
गेल्या काही दिवसांपासून तीव्र उष्णतेचा सामना करावा लागत आहे. यातच तापलेले राजकारण पाहता जिल्ह्यात राजकीय हालचाली, घडामोडी, मोर्चे, निदर्शने, धरणे, रास्तारोको या सारखी आंदोलन होण्याची शक्यता पाहता जिल्हाधिकारी दीपा मुधोळ (Collector Deepa Mudhol) यांनी कायदा व सुव्यवस्था अबाधित राखण्यासाठी आंदोलनबंदीचा निर्णय घेतला आहे. दि.14 मे ते 28 मे पर्यंत मुंबई पोलिस अधिनियम 1951 चे कलम 37 (1) (3) अन्वये प्रतिबंधात्मक आदेश Prohibitory orders जारी करण्यात आले आहेत.
या कालावधीत मोर्चे, निदर्शने, धरणे या सारख्या आंदोलनास बंदी असेल. पाच किंवा अधिक लोकांना परवानगी शिवाय एकत्र येण्यास बंदी.
शासकीय कर्मचाऱ्यांच्या व्यतिरिक्त सार्वजनिक ठिकाणी इतरांना शस्त्र, काठी, तलवार, बंदूक, लाठ्या काठ्या, कोणतेही दाहक पदार्थ किंवा स्फोटक, दगड किंवा इतरा क्षेपणास्त्र, शरीरास इजा होणाऱ्या वस्तू बाळगण्यास मनाई असेल. आवेशी भाषणे, अंगविक्षेप, विडंबनात्मक नकल, सभ्यता, नितिमत्ता यास बाधा येईल किंवा ज्यामुळे राज्याची सुरक्षितता धोक्यात येईल किंवा अराजकता माजेल अशी चित्रे, निशाणी, घोषणा फलक किंवा इतर कोणतीही वस्तू जवळ बाळगण्यास मनाई असेल.
तसेच जाहिरपणे घोषणा देणे, गाणी म्हणने, वाद्य वाजवणे किंवा कृती जी देशाच्या संविधानातील मुल्यांच्या विरुध्द असेल किंवा देशाचा मान व सार्वभौमत्व यांना इजा पोहचणार असेल किंवा सार्वजनिक सुरक्षा आणि सामाजिक सलोखा यांना हानी पोहचत असेल, व्यक्तीच्या शवांच्या किंवा प्रेते किंवा आकृती किंवा त्यांच्या प्रतिमेचे प्रदर्शन यासाठी मनाई करण्यात आली आहे.
