केज शहरातील नाभिक संघटनेचे संघटक रामरतन मारुती गवळी हे रविवारी रात्री बस स्टॅन्ड कडून कानडी चौकात आले असता कानडी रोडकडे वळताना छत्रपती शिवाजी महाराज चौकाकडून आलेल्या अन्य एका दुचाकीची राम रतन गवळी यांच्या दुचाकीला धडक बसली. यामध्ये रामरतन गवळी हे गंभीर जखमी झाले आणि त्यातच त्यांचा मृत्यू झाला. तर अन्य दोघे जखमी झाले आहेत.
दरम्यान, सदरील अपघातामध्ये सचिन दशरथ मुळे आणि हनुमंत भागवत काकडे (रा.साबला ता.केज) हे दोघे जखमी झाले असून अंबाजोगाई येथे त्यांच्यावर उपचार सुरू आहेत. रामरतन यांच्या पश्चात वृद्ध आई, पत्नी, एक मुलगा, दोन मुली असा परिवार आहे. क्रांतीनगर स्मशानभूमीत रामरतन यांच्यावर सोमवारी अंत्यसंस्कार करण्यात आले.
