क्षुल्लक कारणा वरुन पती-पत्नीस लोखंडी गजाने मारहाण ! 

या बाबतची माहिती अशी की, दि.२५ ऑगस्ट रोजी बाभळगाव ता. केज येथे फिर्यादी देवईबाई इंगोले यांना तिच्या जाऊबाई हिने त्यांच्या घरी जाऊन आमच्या शेतात संडास कोणी केली ? या कारणा वरुन शिवीगाळ केली. त्या नंतर देवईबाई हिचा पती नंदकुमार इंगोले यांने त्याच्या पत्नीला शिवीगाळ का केली? याचा जाब विचारला असता भारत इंगोले याने त्याला काठीने मारहाण केली. त्या नंतर दुसऱ्या दिवशी संकेत इंगोले, अशोक थोरात व महादेव कदम या तिघांनी नंदकुमार इंगोले यास तो घरी झोपलेला असताना काठी आणि लोखंडी सळईने मारहाण करून जखमी केले. भांडणाचा आवाज ऐकून शेतात काम करीत असलेली फिर्यादी देवाईबाई घरी आली असता; तिला पण मारहाण करण्यात आली. मारहाणीत नंदकुमार इंगोले हे जखमी होऊन बेशुद्ध पडले होते. त्यामुळे त्यांच्यावर खाजगी दवाखान्यात उपचार करण्यात आले. त्या नंतर दि. ११ सप्टेंबर रोजी देवईबाई इंगोले यांच्या फिर्यादी नुसार संकेत इंगोले, अशोक नवनाथ थोरात, महादेव कदम व डिगांभर इंगोले या चौघांच्या विरोधात केज पोलीस स्टेशनला गु.र.नं. ३६०/२०२० भा.दं.वि. ३२६, ३२४, ५०४ व ३४ नुसार गुन्हा दाखल झाला आहे. पोलीस निरीक्षक प्रदीप त्रिभुवन यांच्या मार्गदर्शनाखाली पोलीस कॉन्स्टेबल मुकुंद ढाकणे हे पुढील तपास करीत आहेत.

——————————————————-

केज तालुक्यात महिलेचा विनयभंग