केज दि.१ – केज धारूर रोडवर तांबवा पाटीजवळ कारचा अपघात झाला असून यामध्ये दोघे गंभीर जखमी झाले आहेत.
रविवारी सायंकाळी साडेपाच ते सहाच्या दरम्यान संतोष खंडागळे आणि महादू शिंदे हे केज धारूर रोड वरून प्रवास करत असताना त्यांची कार रोडच्या बाजूला असलेल्या खड्ड्यात जाऊन आदळली. यामध्ये संतोष खंडागळे आणि महादू शिंदे (कळंब) हे दोघे गंभीर जखमी झाले आहेत. सदरील अपघात नेमका कोणत्या कारणाने झाला हे अद्याप स्पष्ट झालेले नाही.
दरम्यान सदरील अपघाताची माहिती मिळताच 108 रुग्णवाहिकेचे पायलट मकरंद घुले आणि डॉ. शरद गीते यांनी तात्काळ घटनास्थळी धाव घेऊन जखमींना केजच्या उपजिल्हा रुग्णालयामध्ये दाखल केले असून त्यांच्यावर उपचार सुरू आहेत.
