मुंबई | मालाड पूर्व येथे पठाणवाडी परिसरात अंबिका हॉटेलच्या समोर एका प्लायवूड आणि लाकडाच्या गोडाऊनला भीषण आग लागली आहे. ही आग शुक्रवारी सायंकाळी 6 वाजताच्या सुमारास लागली .
घटनास्थळी अग्निशमन दलाचे सात बंब आणि चार मोठे पाण्याचे टँकर दाखल झाले आहेत. तसेच रुग्णवाहिकाही घटनास्थळी दाखल झाली आहे. आग विझवण्यासाठी युद्ध पातळीवर प्रयत्न सुरू होते.मालाड पूर्व येथील पठाणवाडी परिसरातील त्रिवेणी नगरमध्ये प्लायवूड आणि लाकडाच्या गोडाऊनला आग लागली आहे. जवळपास 7 ते 8 हजार चौरसफुटाचे तळमजला आणि पहिला मजला असं हे गोडाऊन आहे.
दरम्यान, प्लायवूडचे गोडाऊन असल्यामुळे आग मोठ्या प्रमाणावर पसरली आहे. धुराचे लोट देखील परिसरात पसरले होते.
