बीड दि.8 – अखिल भारतीय महात्मा फुले समता परिषद तसेच इतर सर्व ओबीसी संघटनांच्या वतीने काढण्यात आलेल्या मोर्चात हजारो ओबीसी बांधव उपस्थित राहिल्याने बीड शहर दणाणून गेले होते.
मंगळवारी (दि.8) रोजी सकाळी 11 वाजता स्टेडियम पासून जिल्हाधिकारी कार्यालया पर्यंत मोर्चा काढण्यात आला. समता परिषदेचे विभागीय अध्यक्ष ऍड. सुभाष राऊत यांच्या नेतृत्वाखाली काढण्यात आलेल्या मोर्चात समता परिषदेचे पंकज भुजबळ, बापूसाहेब भुजबळ, श्री.हाके, कर्डक यांची प्रमुख उपस्थिती होती.सदरील मोर्चासाठी जिल्ह्यातील प्रत्येक तालुक्यातील हजारो ओबीसी बांधव सामील झाले होते. यामध्ये महिलांची लक्षणीय उपस्थिती होती.
दरम्यान सदरील मोर्चा जिल्हाधिकारी कार्यालयात धडकल्यानंतर पंकज भुजबळ, बापूसाहेब भुजबळ, सुभाष राऊत, श्री, हाके, कर्डक यांनी मार्गदर्शन केले. तर निवासी जिल्हाधिकारी संतोष राऊत यांनी निवेदन स्वीकारले.
