मुंबई दि.२७ – कोरोनामुळे 10 वी आणि 12वी च्या परीक्षा होणार की नाही यावर अनेक चर्चा सोशल मीडियावर चालू होत्या. अखेर याला पुर्णविराम लागला आहे. शिक्षण विभागाने परीक्षेच्या तारखा जाहीर केल्या आहेत. दहावी आणि बारावीच्या ऑफलाइन परीक्षेचं संभाव्य नवे वेळापत्रक अखेर जाहीर झालं आहे.
10 वी च्या विद्यार्थांची परीक्षा 29 एप्रिल ते 20 मे च्या दरम्यान होणार आहे. तर 12 वी च्या परीक्षा 23 एप्रिल ते 21 मे च्या दरम्यान होणार आहे. या परीक्षा दोन सत्रात होणार असून सकाळी 10.30 ते दुपारी 1.30 पर्यत तर दुपारी 3 ते सायंकाळी 6 अशी वेळ असणार आहे.
परीक्षेच वेळापत्रक अधिकृत वेबसाईटवर टाकण्यात आलं आहे. आधीच्या संभाव्य वेळापत्रकाबाबत 22 मार्चपर्यत लेखी सुचना मागवण्यात आल्या आहेत. त्यानुसार पालक, विद्यार्थी आणि शिक्षक यांच्या सुचनेनुसार हे वेळापत्रक अंतिम करण्यात आलं आहे. तर येेत्या काळातील परिस्थितीनुसार निर्णय घेण्यात येणार आहे.
दरम्यान सदरील परीक्षा ज्या त्या शाळेत घेण्यात याव्यात व 50% अभ्यासक्रम कमी करण्यात यावा अशी मागणी शिक्षक संघटना करत असून लवकरच मुख्यमंत्री उद्धव ठाकरे यांची भेट घेऊन निवेदन दिले जाणार आहे.
