मुंबई दि.१३ – भारतीय हवामान विभागनं मराठवाड्यात मुसळधार पावसाचा इशारा दिला आहे. पुढच्या तीन तासात जोरदार पावसाचा इशारा देण्यात आला आहे. भारतीय हवामान विभागाचे ज्येष्ठ हवामानतजज्ञ के. एस. होसाळीकर यांनी याबाबत ट्विट केलं आहे. नांदेड , हिंगोली , परभणी , जालना , बीड जिल्ह्यात पुढच्या तीन तासात जोरदार पाऊस होण्याचा अंदाज वर्तवण्यात आला आहे. 30 – 40 प्रति किलोमीटर वादळी वाऱ्यासह पावसाचा इशारा देण्यात आला आहे. नागरिकांना वादळी वारे आणि पावसामध्ये घराबाहेर पडू नये, असा सल्ला हवामान खात्यानं दिला आहे.
