लसीकरणाच्या माध्यमातून कोरोना रोखण्यासाठी पंतप्रधान नरेंद्र मोदी यांचे मोठे योगदान – खा. डॉ. प्रितम मुंडे 

अंबाजोगाई दि. २७ – (पांडुरंग केंद्रे) अंबाजोगाईत कार्यकर्त्यांसह खा. डॉ. प्रीतम मुंडे यांनी मन की बात कार्यक्रम पाहिला. लसीकरणाच्या माध्यमातून कोरोना रोखण्यासाठी पंतप्रधान नरेंद्र मोदी यांचे मोठे योगदान आहे आज वाडी वस्त्यांवर ही सुरू असलेले लसीकरण हे केंद्रसरकारचे मोठे यश आहे अशा शब्दांत खा. डॉ. प्रीतम मुंडे यांनी पंतप्रधान यांच्या कार्याचा गौरव केला.

               पंतप्रधान नरेंद्र मोदी यांचा लोकप्रिय ठरलेला कार्यक्रम मन की बात हा कार्यक्रम रविवारी अंबाजोगाईच्या विलासराव देशमुख सभागृहात सार्वजनिक प्रक्षेपण करून ठेवण्यात आला होता बीड जिल्ह्याच्या खा. डॉ. प्रीतम मुंडे व आ. नमिता मुंदडा यांनी या कार्यक्रमाचा आनंद उपस्थित भाजपा कार्यकर्त्यासोबत घेतला व उपस्थित कार्यकर्त्याशीं त्यांनी मनमोकळी चर्चा केली. केज विधानसभा मतदारसंघाच्या आ. नमिता मुंदडा यांच्या वतीने या कार्यक्रमाचे आयोजन करण्यात आले होते. कोरोना साथीचे सर्व नियमाचे पालन करत देशाचे पंतप्रधान नरेंद्र मोदी यांचा मन की बात हा प्रबोधनपर कार्यक्रमाचे लाईव्ह प्रक्षेपण ठेवण्यात आले होते. खा. मुंडे यांच्या प्रमुख उपस्थितीमध्ये अंबाजोगाई येथे हा उपक्रम पार पडला.

              या प्रसंगी भाजपाचे युवा नेते अक्षय मुंदडा, माजी जि प सदस्या गयाबाई कऱ्हाड, भाजपाचे तालुका अध्यक्ष अच्युत गंगणे, भाजपाचे प्रवक्ते राम कुलकर्णी यांच्यासह भाजपाचे सर्व पदाधिकारी उपस्थित होते. यावेळी बोलताना खा. मुंडे म्हणाल्या केंद्रसरकारने अनेक कल्याणकारी योजना राबविल्या आहेत कोरोना नियंत्रणात आणण्यासाठी केंद्रसरकारने सर्वच राज्यांना मोठी मदत दिली आहे. भविष्यात तिसरी लाट रोखण्यासाठी नागरिकांचे सहकार्य अपेक्षित आहे असे सांगून त्यांनी उपस्थित कार्यकर्त्यांशी मनमोकळा संवाद साधला. याप्रसंगी बोलताना आ. नमिता मुंदडा म्हणाल्या की जिल्ह्याची मोठी व्याप्ती असतानाही प्रीतमताई यांनी कोरोनाच्या काळात जिल्ह्यातील सर्व रुग्णालयास भेटी देऊन रुग्णांना दिलासा दिला. मतदारसंघात निर्माण होणारे प्रश्न व समस्या निराकारण करण्यासाठी माझा पाठपुरावा सुरुच असल्याचे त्यांनी सांगितले.

             कार्यक्रमाचे प्रास्ताविक अक्षय मुंदडा यांनी केले. तर संचलन वैजनाथ देशमुख  यांनी केले. तर उपस्थितांचे आभार ऍड. संतोष लोमटे यांनी मानले. यावेळी रमाकांत मुंडे, मधुकर काचगुंडे, नगरसेवक सारंग पुजारी, खलील मौलाना, शेख ताहेर, बालासाहेब पाथरकर, अनंत लोमटे, कल्याण काळे, प्रशांत अदनाक, अनंत अरसुडे, अमोल पवार, यौगेश कडबाने यांच्यासह भाजपाचे कार्यकर्ते मोठ्या संख्येने उपस्थित होते.