बीड दि.२६ -तालुक्यातील पालीजवळ एका २६ वर्षीय तरुणीने गळफास घेऊन आत्महत्या केल्याची घटना सोमवारी (दि.२६) दुपारी ४ च्या सुमारास घडली आहे.
सोनाली अंकुश जाधव (वय-२६ रा.शिवाजी नगर,बीड) असे त्या तरुणीचे नाव असून ती दीप हॉस्पिटलमध्ये शिकाऊ नर्स म्हणून काम करत होती.सोमवारी दुपारी एका झाडाला गळफास घेतलेल्या अवस्थेत तिचा मृतदेह पालीजवळ आढळून आल्याने खळबळ उडाली.घटनास्थळी स्कुटी (एम.एच.२०ई.बी.२५०४) आढळून आली असून नेकनूर पोलीस घटनास्थळी दाखल झाले आहेत.दरम्यान या तरुणीने गळफास का घेतला याची माहिती अद्याप समोर आली नाही.
