केज येथे चोरट्यांचा बांधकाम साहित्यावर डल्ला

 केज दि.२६ – घर बांधकामासाठी आणून ठेवलेले १५ हजार रुपयांचे लोखंडी गज अज्ञात चोरट्यांनी चोरून नेल्याची घटना केज शहरातील रेणुका नगर भागात घडली. याप्रकरणी केज पोलिसात चोरीचा गुन्हा दाखल झाला आहे.

      केज शहरातील रेणुका नगर भागातील रुक्मिण ज्ञानोबा घुले या वृद्ध महिलेने घराचे बांधकाम करण्यासाठी २ क्विंटल ४५ किलो लोखंडी गज आणून राहत्या घरासमोर ठेवले होते. २४ मे रोजी रात्री त्या झोपल्यानंतर अज्ञात चोरट्यांनी १५ हजार ४०० रुपये किंमतीचे लोखंडी गज चोरून नेले. रुक्मिण घुले यांनी दिलेल्या फिर्यादीवरून अज्ञात चोरट्यांविरुद्ध केज पोलिसात चोरीचा गुन्हा दाखल झाला आहे. पुढील तपास पोलीस नाईक मंगेश भोले हे करत आहेत.