पुणे दि.28- महाराष्ट्र सरकारनं मराठा समजातील विद्यार्थ्यांना दिलासा देणारा निर्णय घेतला आहे. महाराष्ट्र सरकारनं राज्यातील सगळ्या तहसीलदार आणि विभागीय आयुक्तांना एसईबीसीच्या उमेदवारांना आर्थिक दृष्ट्या मागास प्रवर्गाची प्रमाणपत्र तात्काळ उपलब्ध करुन देण्याचे आदेश दिले आहेत. स्थानिक स्तरावर यंत्रणा कार्यान्वित करण्याचे आदेश देण्यात आले आहेत.
एसईबीसीच्या विद्यार्थ्यांना ईडब्लूएस प्रमाणपत्र तत्काळ उपलब्ध करून देण्यात यावीत, असे आदेश राज्य सरकारनं सर्व तहसीलदार आणि विभागीय आयुक्त यांना दिले आहेत. स्थानिक स्तरावर सगळी यंत्रणा कार्यान्वित करण्याच्या सूचना काढण्यात आल्या आहेत. सामान्य प्रशासन विभागानं यासंदर्भात आदेश काढले आहेत. मराठा आरक्षण रद्द झाल्यानंतर राज्य सरकारनं एसईबीसीच्या विद्यार्थ्यांना इडब्ल्यूएसचा लाभ देण्याची घोषणा केली होती. विद्यार्थ्यांना ईडब्लूएस प्रमाणपत्र मिळण्यात अडचणी येत असल्याचं समोर आलं होतं. विद्यार्थ्यांच्या अडचणी दूर करण्यासाठी राज्य सरकारने आदेश खाढले आहेत. एसईबीसीच्या उमेदवारांना आता ईडब्लूएस आरक्षणाचा लाभ मिळणार आहे.
