केज दि.२३ – केज पासून कांही अंतरावर केज धारूर दरम्यान असलेल्या जुन्या जिनिंग जवळ छोटा हत्ती वाहनाने धडक दिल्याने एक जण गंभीर जखमी झाल्याची घटना घडली आहे.
धारूर येथील कृष्णा शिरीष रत्नपारखे या व्यक्तीस छोटा हत्ती (MH 12 K P 2901) या वाहनाने धडक देऊन जखमी केले आहे. सदरची घटना केज पोलीस ठाण्याचे पोह आघाव व पोना लोखंडे हे पेट्रोलिंग करत असताना त्यांच्या निदर्शनास आल्याने त्यांनी जखमी व्यक्तीस केजच्या उपजिल्हा रुग्णालयात उपचारासाठी पाठवले. व सदरील वाहनाचा चालक अविनाश आबासाहेब आरगड रा.किनगाव ता.गेवराई हा पळून जात असताना ताब्यात घेऊन केज पोलीस ठाण्यात हजर केले.
अपघातात जखमी झालेल्या व्यक्तीस पुढील उपचारासाठी लातूर येथे पाठवण्यात आले असून पुढील तपास पोलीस नाईक मंगेश भोले हे करत आहेत.
