केज दि.३० – वडिलांच्या गरीब परिस्थितीमुळे शिक्षणाचा व घर खर्च भागत नसल्याच्या विवंचनेतून एका १६ वर्षीय युवतीने विषारी औषध प्राशन करून आत्महत्या केल्याची घटना केज तालुक्यातील येवता येथील तांड्यावर घडली. दैवशाला परशराम राठोड असे आत्महत्या केलेल्या मुलीचे नाव आहे.
येवता येथील तांड्यावरील दैवशाला परशराम राठोड ( वय १६ ) ही इयत्ता १० वीच्या वर्गात शिक्षण घेत होती. तिच्या वडिलांची गरिबी परिस्थिती असल्याने तिच्या शिक्षणाचा व घरचा खर्च भागविण्यास त्यांची ओढाताण सुरू होती. त्यामुळे वडीलांच्या गरिबी परिस्थितीतून शिक्षण आणि घर खर्च भागत नसल्याने या विचाराने तिच्या मनावर परिणाम झाला. या विवंचनेतून तिने टोकाची भूमिका घेत १४ सप्टेंबर रोजी सकाळी १० ते दुपारी १२.४५ वाजेच्या दरम्यान दैवशाला हिने विषारी औषध प्राशन केले. तिला उपचारासाठी तातडीने अंबाजोगाई येथील स्वामी रामानंद तीर्थ शासकीय रुग्णालयात दाखल करण्यात आले. मात्र डॉक्टरांनी तिची तपासणी करून मृत घोषित केले. ३० सप्टेंबर रोजी तिचा भाऊ बालासाहेब परशराम राठोड याच्या खबरेवरून केज पोलिसात अकस्मात मृत्यूची नोंद करण्यात आली आहे. पोलीस नाईक बाळू सोनवणे हे पुढील तपास करीत आहेत.
