#Election
केज नगर पंचायतीच्या चार प्रभागाच्या निवडणुकीसाठी दंगल नियंत्रक पथकासह तगडा पोलीस बंदोबस्त……!
नऊ मतदान केंद्रावर ६ हजार २७ मतदार बजवणार मतदानाचा हक्क
केज दि. १७- मंगळवारी दि.१८ रोजी केज नगर पंचायतीच्या चार प्रभागाच्या निवडणुकीसाठी तगडा पोलीस बंदोबस्त ठेवण्यात आला आहे.या चार प्रभागात काँग्रेस, राष्ट्रवादी, शिवसेना, शेकाप आणि जनविकास आघाडी निवडणुकीच्या रिंगणात आहेत. या चार प्रभागात एकूण ६ हजार २७ मतदार आपला मतदानाचा हक्क बजवणार आहेत.
केज नगर पंचयतीच्या चार प्रभागात दि. १८ जानेवारी मतदान होणार आहे प्रभाग क्रमांक दोन व आठ स्त्री राखीव तर एक आणि एक व बारा हे प्रभाग खुल्या पर्व प्रवर्गासाठी आहेत.
या चार प्रभागातील मतदारांना त्यांचा मतदानाचा हक्क बजावण्यासाठी नऊ मतदान केंद्र आहेत. प्रभाग क्र. एक मध्ये एकूण सहा, प्रभाग क्र. दोन मध्ये चार, उमेदवार. प्रभाग क्र. आठ मध्ये पाच आणि प्रभाग क्र. बारा मध्ये सहा उमेदवार असे चार जागेच्या निवडणुकीसाठी २१ उमेदवार निवडणूक लढवीत आहेत.
दरम्यान, मतदान प्रक्रिया सुरळीत आणि शांततेत पार पाडण्यासाठी मतदान केंद्रावर तगडा बंदोबस्त ठेवण्यात येणार आहे. त्यासाठी ८ पोलीस अधिकारी, ५० पोलीस कर्मचारी व आरसीएफ जवानांची तुकडी तैनात करण्यात आहेत.
