केज दि.११ – तालुक्यातील मौजे साबला येथील “श्री उत्तरेश्वर महाराज जागृत देवस्थान” मंदिर परिसरात स्वच्छता अभियान राबवण्यात आले . “माझा गाव सुंदर गाव, माझा गाव, स्वच्छ गाव” करण्यासाठी साबला गावातील तरुण मित्र मंडळी मोठ्या उत्साहाने स्वच्छता मोहिमेत सहभागी होतात आणि नियमित स्वच्छता अभियान राबविण्यात येते.
आपल्या गावात कुठेही घाण होऊन गावात कोणीही आजारी पडू नये. गावाचा आदर्श तालुक्यातील इतर गावकऱ्यांनी घ्यावा यासाठी प्रयत्न केले जातात.यामध्ये ग्रामविकास अधिकारी धनराज सोनवणे, आदर्श शिक्षक नरहरी काकडे, ग्रामपंचायत सदस्य ज्ञानेश्वर पांचाळ, गणेश कटारे, राहुल मुळे, अजय काकडे, काशिनाथ नाईकनवरे, लक्ष्मण कटारे, लखन राऊत, माजी ग्रामपंचायत सदस्य रामराजे शिंदे, संदिपान काकडे, रामभाऊ काकडे, माऊली नाईकनवरे, अशोक फुटाणे, वसंत नाईकनवरे, अनिल भोसले, राजेभाऊ काकडे, अनंत नाईकनवरे, राम काकडे इत्यादींनी या स्वच्छता मोहिमेत सहभाग घेतला होता.
