केज दि.१२ – तालुक्यातील शिंदी येथील बुवासाहेब पाटील विद्यालयात जागतिक आरोग्य दिनाचे औचित्य साधून विविध विषयावर व्याख्यान आयोजित केले होते .
कार्यक्रमाच्या अध्यक्षस्थानी शाळेचे मुख्याध्यापक / प्राचार्य सदाशिव मुंडे होते. तर प्रमुख पाहुणे म्हणून छगन महाराज खडके, ॲड. ए. एन . नागरगोजे, प्रा. विक्रम इनकर, डॉ. संजय मुंडे, परळीचे मु. अ . श्रीराम मुंडे हे होते .
विद्यार्थ्यांना आरोग्य, NEET परीक्षा स्पर्धा परीक्षा यावर सविस्तर
डॉ. संजय मुंडे यांनी मार्गदर्शन केले.ॲड. ए. एन. नागरगोजे यांनी बाल गुन्हेगारी व त्याचे दुष्परिणाम या विषयावर सविस्तर व्याख्यान केले .
प्रा. विक्रम इनकर यांनी बाल विवाह संदर्भात जनजागृती करून विद्यार्थ्यांना शपथ दिली. श्रीराम मुंडे यांनी अध्ययन प्रक्रिया व्यवस्थापन व शिस्त यावर सविस्तर मार्गदर्शन केले .
कार्यक्रमाचे प्रास्ताविक सदाशिव मुंडे यांनी केले सूत्रसंचालन विनायक घोळवे, आभार हरिभाऊ कांबळे यांनी मानले. कार्यक्रम यशस्वीतेसाठी शाळेतील प्राध्यापक शिक्षक – शिक्षकेत्तर कर्मचारी व विद्यार्थ्यांनी परिश्रम घेतले. शिबीराची सांगता पसायदानाने झाली.
