मागील सुमारे एक महिन्यापासून परळी शहरात नाथ प्रतिष्ठान आयोजित डे-नाईट क्रिकेट स्पर्धा सुरू आहे. या क्रिकेट स्पर्धेमध्ये परळी शहरासह परळी विधानसभा मतदारसंघातून २६० पेक्षा अधिक संघांनी भाग घेतला होता. त्याचबरोबर डीएम ११ या क्रिकेट संघाच्या माध्यमातून स्वतः धनंजय मुंडे यांनी देखील या क्रिकेट स्पर्धेमध्ये सहभागी होऊन क्रिकेट खेळण्याचा आनंद घेतला होता.
सदरील स्पर्धा आता अंतिम टप्प्यात आली असून या स्पर्धेचा फायनल येत्या ३ मार्च रोजी वैद्यनाथ महाविद्यालयासमोरील मैदानावर खेळवला जाणार असून त्यानंतर त्याच ठिकाणी धनंजय मुंडे यांच्या हस्ते व मान्यवरांच्या उपस्थितीत या स्पर्धेचे बक्षीस वितरण करण्यात येणार आहे.
दरम्यान, फायनल सामन्यासह बक्षीस वितरणाच्या समारंभास भारतीय क्रिकेट संघाचा स्टार फलंदाज म्हणून ओळख असलेला युवराज सिंग तसेच बॉलिंग ची स्पीड मशीन म्हणून प्रसिद्धीस असलेला जहीर खान यांची विशेष उपस्थिती असणार आहे.
