केज दि.१७ – शहरातील शिक्षक कॉलनी भागातील एका तीन मजली इमारतीचे बांधकाम सुरू आहे. सदरील बांधकामावर काम करत असताना मंगळवारी दुपारी शेख बशीर इसाक या मिस्त्री चा तोल जाऊन खाली पडल्याने मृत्यू झाल्याची घटना घडली आहे. बशीर यांना उपचारार्थ दवाखान्यात हलवण्यात आले होते मात्र दुर्दैवाने त्याचा काहीच उपयोग झाला नाही. बशीर हे बीडचे रहिवासी असल्याचे सांगण्यात येत असून त्यांच्या पश्चात मोठा परिवार आहे.
