केज पोलीस स्टेशनचा एक कर्मचारी पंधरा दिवसांच्या सुट्टीवर होता.तर मागील दोन दिवसापूर्वी कामा निमित्त पुणे येथे जाऊन परत आला होता. परत आल्या नंतर त्याने ड्युटीही केली. मात्र त्याला कोरोना रोगाची लक्षणे आढळल्यामुळे तपासणी केली असता तो पॉझिटिव्ह असल्याचे निष्पन्न झाले आहे. त्यामुळे केज येथील त्यांच्या संपर्कात आलेले पोलीस कर्मचारी, आणि इतर लोक चांगलेच धास्तावले आहेत. तसेच सदरील कर्मचारी इतर किती लोकांच्या संपर्कात आलेला आहे याची माहिती घेतली जात असून जे संपर्कात आले आहेत त्यांनी कांही लक्षणे दिसून आल्यास कोरोना टेस्ट करून घेणे गरजेचे आहे.
