केज दि.१ – केज पासून अवघ्या दोन किमी अंतरावर केज कळंब रोडवर ट्रॅक्टर आणि दोन मोटारसायकल तिहेरी अपघातात दोघे गंभीर जखमी झाल्याची घटना घडली आहे.
सोमवारी दि.१ रोजी सायंकाळी 5 च्या सुमारास केज कळंब रोडवर डिस्कव्हर आणि होंडा शाईन या दोन मोटारसायकल आणि आणि ऊस वाहतूक करणाऱ्या ट्रॅक्टर चा विचित्र अपघात झाला त्यात मोटारसायकल वरील दोघे गंभीर जखमी झाले आहेत. जखमींपैकी विजय चंद्रसेन जाधव (50) रा.गांजी ता.केज यांच्या डोक्याला गंभीर मार लागलेला असून त्यांना पुढील उपचारासाठी अंबाजोगाई ला नेण्यात आले आहे. तर अन्य जखमी कळंब येथील गणेश बंडू खैरमोडे (28) नामक तरुण असल्याचे असल्याचे समजते त्याचा पायाला गंभीर ईजा झाली आहे.
