सीआरपीएफ मध्ये विविध पदांची भरती प्रक्रिया सुरू, इच्छुक उमेदवारांना नौकरीची संधी…..!

          केंद्रीय राखीव पोलिस दल म्हणजेच सीआरपीएफने नोटीफिकेशन जारी करत विविध पदांच्या भरतीसाठी अर्ज मागवले आहेत. सीआरपीएफ ज्या पदांची भरती करणार आहे, त्यामध्ये मुख्याध्यापिका, आया, शिक्षक, फिजीओथेरपिस्ट, न्युट्रीशनिस्ट या पदांचा समावेश आहे. या पदांकरिता इच्छुक उमेदवारांना crpf.gov.in या अधिकृत वेबसाईटवर (Website) जाऊन अर्ज करावा लागेल. अर्ज प्रक्रिया 25 जून 2021 पर्यंत सुरु असेल.वेगवेगळ्या पदांसाठी शैक्षणिक पात्रता भिन्न आहे. यात प्रामुख्याने इयत्ता 5 वी पास, पदव्युत्तर पदवी, पीजी डिप्लोमा, एम.एससी, पदवी, बीएड यांचा समावेश आहे. शैक्षणिक पात्रतेविषयी अधिक माहिती जाणून घेण्यासाठी इच्छुक उमेदवारांनी नोटिफिकेशन वाचावे.या पदांसाठी 18 ते 40 वर्ष वयोगटातील उमेदवार अर्ज करु शकतात. SC/ST/OBC/PWD/PH या घटकांमधील इच्छुक उमेदवारांना शासकीय नियमानुसार वयोमर्यादेत सूट दिली जाईल.

दरम्यान अर्ज प्रक्रियेला सुरुवात – 11 जून 2021 पासून सुरू झाली असूनअर्ज दाखल करण्याची अंतिम मुदत – 25 जून 2021आहे.या पदांसाठी इच्छूक उमेदवार निःशुल्क अर्ज दाखल करु शकतील. उमेदवारांना किमान वेतन 6500 ते 10000 रुपये असेल. विविध पदांचे वेतन किती आहे हे तपासण्यासाठी इच्छूक उमेदवारांनी नोटिफिकेशन पाहावे. इच्छूक उमेदवार या पदांसाठी ऑनलाईन किंवा ऑफलाईन अर्ज दाखल करु शकतात. या पदांसाठी जॉब लोकेशन उत्तर प्रदेश असेल. ऑनलाईन अर्ज करण्यासाठी इच्छूक उमेदवारांना crpf.gov.in या अधिकृत वेबसाईटवर जावे लागेल.